"Məhz öz coğrafi mövqeyimizə görə biz bütün rabitə vasitələrini inkişaf etdirmək və qlobal informasiya sistemi yaradılmasında irəliləyişi təmin etmək üçün misilsiz imkanlara malikik"

Heydər Əliyev

"İnsanların işləməsi, fəaliyyət göstərməsi, dövlət orqanlarının, ayrı-ayrı özəl qurumların, hər bir təşkilatın səmərəli işləməsi üçün rabitə indi çox mühüm bir vasitədir"

Heydər Əliyev

"Rabitəçilərin vəzifəsi bütün rabitə növlərinin, xüsusən telefon rabitəsinin iş keyfiyətini daha da yüksəltməkdən, əhalinin ehtiyac və tələbatına daha çox fikir verməkdən ibarətdir"

Heydər Əliyev

"Son illər Azərbaycanda rabitənin inkişafı sürətlə gedir və aparılan işlər, əldə olunan nəticələr təqdirəlayiqdir"

Heydər Əliyev

"İndiki zamanda rabitə hər bir insan üçün ən çox lazım olan bir vasitədir"

Heydər Əliyev

WhatsApp “Plus” abunəliyini test edir

WhatsApp istifadəçilər üçün yeni ödənişli abunə modelini sınaqdan keçirir. “WhatsApp Plus” adlanan bu paket, əsasən tətbiqin görünüşünü fərdiləşdirməyə yönəlir və funksional baxımdan ciddi yeniliklər təqdim etmir.Məlumata görə, yeni abunə istifadəçilərə ikonları, çat dizaynlarını, bildiriş səslərini və digər vizual elementləri dəyişmək imkanı verir. Bundan əlavə, pulsuz versiyada yalnız 3 çat “pin” etmək mümkün olduğu halda, Plus abunəçiləri bu limiti 20-yə qədər artıra biləcəklər. Eyni zamanda, fərqli çat siyahıları yaratmaq və onları fərdi dizaynla fərqləndirmək də mümkün olacaq.
 
Meta şirkəti məsələ ilə bağlı bildirib ki, bu addım istifadəçilərə tətbiqi daha yaxşı təşkil etmək və fərdiləşdirmək imkanı yaratmaq məqsədi daşıyır. Hazırda funksiyanın kiçik istifadəçi qrupları arasında test edildiyi və rəy toplandığı qeyd olunur. Qiymətlə bağlı rəsmi açıqlama verilməsə də, ilkin məlumatlara görə, abunə Avropada təxminən 2.49 avro, Pakistan bazarında isə 229 PKR (təxminən 0.82 dollar) civarında ola bilər. Həmçinin istifadəçilərə 1 aylıq pulsuz sınaq təklif ediləcəyi bildirilir.
 
Qeyd edək ki, WhatsApp əvvəllər də bəzi regionlarda illik 1 dollar abunə tətbiq etmişdi, lakin 2016-cı ildə bu modeldən imtina olunub. Son illərdə isə platforma əsas gəlirini biznes mesajlaşması və reklamlardan əldə edir. Şirkətin açıqlamasına görə, WhatsApp-ın illik gəliri artıq 2 milyard dollar səviyyəsini keçib.