NAXÇIVAN MUXTAR RESPUBLİKASININ RƏQƏMSAL İNKİŞAF VƏ NƏQLİYYAT  NAZİRLİYİNƏ

MƏKTUB YAZMAQ QAYDALARI

NAXÇIVAN MUXTAR RESPUBLİKASININ RƏQƏMSAL İNKİŞAF VƏ NƏQLİYYAT NAZİRLİYİ ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1. Naxçıvan Muxtar Respublikasının Rəqəmsal İnkişaf və Nəqliyyat Nazirliyinin rəsmi internet səhifəsi vasitəsi ilə elektron formada göndərilmiş müraciətlər
2. Naxçıvan Muxtar Respublikasının Rəqəmsal İnkişaf və Nəqliyyat Nazirliyinin məktublar şöbəsinə daxil olur və “Vətəndaşların müraciətləri haqqında” Azərbaycan Respublikasının 2015-ci il 30 sentyabr tarixli 1308-IVQ nömrəli Qanununa, habelə Azərbaycan Respublikası Prezidentinin 2016-cı il 23 iyun tarixli 950 nömrəli Fərmanı ilə təsdiq edilmiş “Dövlət və bələdiyyə orqanlarında, dövlət və ya bələdiyyə mülkiyyətində olan və ya paylarının (səhmlərinin) nəzarət zərfi dövlətə və ya bələdiyyəyə məxsus olan hüquqi şəxslərdə və büdcə təşkilatlarında vətəndaşların müraciətləri ilə bağlı kargüzarlığın aparılması Qaydası”na uyğun olaraq qeydiyyata alınır və baxılır.
3. Mətni yazmazdan əvvəl nəzərdə tutulmuş formanın düzgün cavablandırılması vacibdir.
   Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.
   Müraciət aydın və səlis cümlələrlə yazılmalıdır.
4. Müəllif özü barədə məlumatları dəqiq göstərmədikdə müraciətə cavab verilmir.
   Elektron müraciətin mətni 1500 işarədən çox olmamalıdır.
   Elektron müraciətdə qoşma fayllar olmamalıdır. Mətni uzun olan məktublar, sənəd surətləri, fotoşəkillər və yol verilən digər əlavələr 
5. Naxçıvan Muxtar Respublikasının Rəqəmsal İnkişaf və Nəqliyyat  Nazirliyinin info@nmincom.gov.az ünvanına göndərilməlidir:

          Naxçıvan şəhəri, AZ 7000, Atatürk 1, Naxçıvan Muxtar Respublikasının Rəqəmsal İnkişaf və Nəqliyyat  Nazirliyi