"Məhz öz coğrafi mövqeyimizə görə biz bütün rabitə vasitələrini inkişaf etdirmək və qlobal informasiya sistemi yaradılmasında irəliləyişi təmin etmək üçün misilsiz imkanlara malikik"

Heydər Əliyev

"İnsanların işləməsi, fəaliyyət göstərməsi, dövlət orqanlarının, ayrı-ayrı özəl qurumların, hər bir təşkilatın səmərəli işləməsi üçün rabitə indi çox mühüm bir vasitədir"

Heydər Əliyev

"Rabitəçilərin vəzifəsi bütün rabitə növlərinin, xüsusən telefon rabitəsinin iş keyfiyətini daha da yüksəltməkdən, əhalinin ehtiyac və tələbatına daha çox fikir verməkdən ibarətdir"

Heydər Əliyev

"Son illər Azərbaycanda rabitənin inkişafı sürətlə gedir və aparılan işlər, əldə olunan nəticələr təqdirəlayiqdir"

Heydər Əliyev

"İndiki zamanda rabitə hər bir insan üçün ən çox lazım olan bir vasitədir"

Heydər Əliyev

NVIDIA H200 adlı yeni süni zəka çipini təqdim edib

NVIDIA şirkəti süni zəka tapşırıqları üçün nəzərdə tutulmuş H200 adlı yeni çipini təqdim edib. Sözügedən süni zəka çipi hal hazırda müxtəlif şirkətlər tərəfindən aktiv şəkildə istifadə edilən və sayında qıtlıq yaşanan H100 çipini əvəzləyəcək. H200 çipi xarici görünüşcə H100-dən heç də fərqlənmir. Lakin əsas fərqlilik yeni Çipin yaddaşındadır. Belə ki, H200 çipi HBM3e standartlı 141 GB yaddaş ilə təchiz olunub. Yaddaş həcminin məlumatları ötürməsi sürəti isə saniyədə 4.8 TB (terabayt) təşkil edir.

Müqayisə üçün qeyd etmək lazımdır ki, H100 çipində bu göstərici saniyədə 3.35 TB-dır. NVIDIA-nın sözlərinə əsasən yeni süni zəka çipi H100 ilə müqayisədə generativ süni zəka tapşırıqlarında ikiqat performans artımını sərgiləyir. Bu cür qiymətləndirmə GPT-3 və Llama 2 dil modellərindəki testlərə əsaslanır. H200 çipi H100 tərəfindən dəstəklənən bütün sistemlərlə uyğunlaşa bilir. H200 çipinin gələn ilin ikinci rübündə satışa çıxacağı gözlənilir. Onun hansı qiymətə satılacağı bilinmir. Lakin qeyd etmək lazımdır ki, H100-ün qiyməti hal hazırda 40 000$-a çata bilir.