"Məhz öz coğrafi mövqeyimizə görə biz bütün rabitə vasitələrini inkişaf etdirmək və qlobal informasiya sistemi yaradılmasında irəliləyişi təmin etmək üçün misilsiz imkanlara malikik"

Heydər Əliyev

"İnsanların işləməsi, fəaliyyət göstərməsi, dövlət orqanlarının, ayrı-ayrı özəl qurumların, hər bir təşkilatın səmərəli işləməsi üçün rabitə indi çox mühüm bir vasitədir"

Heydər Əliyev

"Rabitəçilərin vəzifəsi bütün rabitə növlərinin, xüsusən telefon rabitəsinin iş keyfiyətini daha da yüksəltməkdən, əhalinin ehtiyac və tələbatına daha çox fikir verməkdən ibarətdir"

Heydər Əliyev

"Son illər Azərbaycanda rabitənin inkişafı sürətlə gedir və aparılan işlər, əldə olunan nəticələr təqdirəlayiqdir"

Heydər Əliyev

"İndiki zamanda rabitə hər bir insan üçün ən çox lazım olan bir vasitədir"

Heydər Əliyev

Mavi ekran erası sona çatır: Microsoft mavi ekranı qara ekran ilə əvəz edib

Windows 11-in 24H2 Preview versiyasında Microsoft, illərdir kompüter istifadəçilərinin üzləşdiyi “Ölümün Mavi Ekranı” (BSOD) kimi tanınan səhv ekranının dizaynını kökündən dəyişib. Beləliklə, Microsoft-da artıq əfsanəyə BSOD və ya Blue Screen of Death xəta ekranının rəngi qara olaraq dəyişdirilib.

Artıq müxtəlif xətalar səbəbindən qarşımıza çıxan BSOD mavi əvəzinə qara fona malikdir və daha minimalist görünüş əldə edib. Maraqlısı budur ki, BSOD-a 2012-ci ildə əlavə edilmiş kədərli üz ifadəsi və 2016-cı ildə yerləşdirilən QR kodu kimi detallar yeni dizayndan tamamilə çıxarılıb. unun əvəzinə ekranda sadəcə olaraq bu mesaj göstərilir: “Cihazınız problemlə üzləşdi və yenidən işə salınmalıdır”. Daha dəqiq desək, bu yazı “Your device ran into a problem and needs to restart” kimi görünür.

Bundan əlavə, səhv kodu və problemə səbəb olan faylın adı da istifadəçiyə göstərilir. Yeni dizaynda mavi fonda tanınan köhnə ekrandan fərqli olaraq qara fonda sadə mətn var. Bu dəyişiklik Microsoft-un səhv ekranını daha müasir və istifadəçi dostu etmək səylərinin bir hissəsidir. Şirkət istifadəçilərin, xüsusən də texniki bilikləri məhdud olanların bu ekranı görəndə panikaya düşməsinin qarşısını almaq istəyir.