"Məhz öz coğrafi mövqeyimizə görə biz bütün rabitə vasitələrini inkişaf etdirmək və qlobal informasiya sistemi yaradılmasında irəliləyişi təmin etmək üçün misilsiz imkanlara malikik"

Heydər Əliyev

"İnsanların işləməsi, fəaliyyət göstərməsi, dövlət orqanlarının, ayrı-ayrı özəl qurumların, hər bir təşkilatın səmərəli işləməsi üçün rabitə indi çox mühüm bir vasitədir"

Heydər Əliyev

"Rabitəçilərin vəzifəsi bütün rabitə növlərinin, xüsusən telefon rabitəsinin iş keyfiyətini daha da yüksəltməkdən, əhalinin ehtiyac və tələbatına daha çox fikir verməkdən ibarətdir"

Heydər Əliyev

"Son illər Azərbaycanda rabitənin inkişafı sürətlə gedir və aparılan işlər, əldə olunan nəticələr təqdirəlayiqdir"

Heydər Əliyev

"İndiki zamanda rabitə hər bir insan üçün ən çox lazım olan bir vasitədir"

Heydər Əliyev

Məlumatların ötürülməsi sürətində yeni rekorda imza atılıb

Danimarkadan və İsveçdən olan alimlər dünyada ilk dəfə rəqəmsal məlumatların ötürülməsi çərçivəsində saniyədə 1 Pbit-dən (petabit) daha yuxarı ötürülmə sürətini əldə ediblər. Belə ki, alimlər tərəfindən məlumatların ötürülməsi zamanı saniyədə 1.84 Pbit (saniyədə 1.8 milyon Gbit) sürət əldə edilib. Bu isə dünyanın bütün internet trafikini 2 dəfə üstələyir. Bununla belə sözügedən təcrübə çərçivəisndə alimlər optik lazerdən və optik çipdən istifadə ediblər. Adi istifadəçinin evindəki internet sürəti saniyədə bir neçə yüz Mbit təşkil edir. Bəzi hallarda isə bu göstərici saniyədə 1 Gbit-dir. Hər halda bu, saniyədə 1 Pbit sürətdən milyonlarla dəfə aşağıdır.

Hətta NASA-nın iri həcmli elmi və peyk məlumatlarının ötürülməsi üçün hazırladığı ESnet6 şəbəkəsində sürət 20 dəfə aşağı olacaq. Maraqlısı ondadır ki, yeni sürət rekordu yeganə işıq mənbəyinin və optik çipin istifadəsi ilə əldə edilib. Sözügedən çip infraqırmızı şüa işığını yüzlərlə ayrı-ayrı tezliklərə parçalayır. Məlumatlar həmin tezliklərin hər birinin polyarizasiyası, fazası və amplitudunun modulyasiyası vasitəsilə kodlaşdırılır. Daha sonra sözügedən tezliklər bir şüa şəklində yenidən birləşirlər və nəticədə formalaşmış vahid şüa fiber optik naqil vasitəsilə ötürülür.

Təcrübə çərçivəsində Danimarkadan və İsveçdən olan alimlər 223 ədəd dalğa kanalına kodlaşdırılmış məlumatları 7.9 km uzunluğunda olan fiber optik naqil vasitəsilə saniyədə 1.84 Pbit sürətlə ötürməyə nail olublar. Bu rekord sürət əvvəlki rekorddan daha yüksəkdir. Belə ki, bu ilin may ayında saniyədə 1.02 Pbit ötürülmə sürəti əldə edilmişdi. Məlumatda qeyd edilib ki, bu göstərici yeni optik çipin əldə edə biləcəyi yekun nəticə deyil. Belə ki, komüter modelləşdirməsinə əsasən sözügedən çip saniyədə 100 Pbit sürət sərgiləyə bilər.