"Məhz öz coğrafi mövqeyimizə görə biz bütün rabitə vasitələrini inkişaf etdirmək və qlobal informasiya sistemi yaradılmasında irəliləyişi təmin etmək üçün misilsiz imkanlara malikik"

Heydər Əliyev

"İnsanların işləməsi, fəaliyyət göstərməsi, dövlət orqanlarının, ayrı-ayrı özəl qurumların, hər bir təşkilatın səmərəli işləməsi üçün rabitə indi çox mühüm bir vasitədir"

Heydər Əliyev

"Rabitəçilərin vəzifəsi bütün rabitə növlərinin, xüsusən telefon rabitəsinin iş keyfiyətini daha da yüksəltməkdən, əhalinin ehtiyac və tələbatına daha çox fikir verməkdən ibarətdir"

Heydər Əliyev

"Son illər Azərbaycanda rabitənin inkişafı sürətlə gedir və aparılan işlər, əldə olunan nəticələr təqdirəlayiqdir"

Heydər Əliyev

"İndiki zamanda rabitə hər bir insan üçün ən çox lazım olan bir vasitədir"

Heydər Əliyev

Google TV-yə sahib MSI Modern MD272UPSW smart monitoru təqdim edilib

MSI şirkəti Google TV əməliyyat sisteminə sahib Modern MD272UPSW adlı smart monitorunu təqdim edib. Bu yeni monitor iş, əyləncə və yaradıcılıq üçün geniş imkanları təklif edir. MSI Modern MD272UPSW monitoru 60 Hz-lik təsvir yenilənməsinə sahib 3840x2160 piksel keyfiyyətli 27 düym ölçülü IPS ekranla təchiz olunub. Ekranın maksimal parlaqlıq səviyyəsi 300 nit, istifadəçi əməliyyatlarına reaksiya müddəti isə 4 millisaniyə təşkil edir.

Ekran sRGB rəng diapazonunun 127%-ni, DCI-P3 rəng diapazonunun 98%-ni, Adobe RGB rəng diapazonunun isə 94%-ni əhatə edir. Google TV əməliyyat sistemi sayəsində Netflix, YouTube, Prime Video və s. kimi servislər istifadəçi üçün əlçatan olur. Monitor üstəlik özündə Dolby Atmos dəstəkli 3 vatt gücündə səsgücləndiriciləri birləşdirir. Monitor HDMI (2.0b), DisplayPort, USB 2.0 Type-A, USB Type-C, Ethernet girişlərini və naqilli qulaqlıqlar üçün nəzərdə tutulmuş 3.5 mm-lik audiogirişi əldə edib. MSI Modern MD272UPSW-nun nə zaman və hansı qiymətə satışa çıxacağı açıqlanmayıb.