Google davamlı sürüşdürmə funksiyasını aradan qaldırır!

Texnologiya nəhəngi Google bu gündən etibarən axtarış nəticələrində davamlı və sonsuz sürüşdürmə funksiyasını aradan qaldırır. Qeyd edək ki, bu proses ilk olaraq masaüstü versiyasında əlçatan olacaq. Ümumiyyətlə, Google axtarış sistemində daha əvvəl nömrələnmiş səhifələr vasitəsi ilə məlumatları axtarmaq olurdu. Görünən odur ki, Google bu sistemə geri qayıdır.

Google axtarışında tez-tez rastlaşdığımız sonsuz sürüşdürmə xüsusiyyəti ilk dəfə 2021-ci ilin oktyabrında mobil cihazlar üçün və 2022-ci ilin sonunda masaüstü cihazlar üçün istifadəyə verilmişdi. Beləliklə, ilk 10 nəticədən sonrakı nəticələr səhifəni sürüşdürdükcə avtomatik olaraq yüklənməyə başlamışdı. Bu funksiya ilə birlikdə artıq daha çox məzmun/səhifə görmək üçün “daha çox göstər” seçiminə klikləməyə ehtiyac qalmırdı.

İndi bu funksiya rəsmi olaraq Google Axtarışdan silinir. Google sözçüsü Search Engine Land-ə bildirib ki, “davamlı və ya sonsuz sürüşmə bu gündən etibarən masaüstü axtarış nəticələrindən silinib və yaxın aylarda mobil versiyalardan da silinəcək”. Bundan əlavə, Google bu dəyişikliyin səbəbi kimi lazımsız nəticələr yerinə sürətli axtarış təcrübəsini işarə edir. Google-a görə, sürüşdürmə funksiyası əvəzinə klassik səhifə nömrələmə paneli geri qayıdır. İstifadəçilər axtarış nəticələrinin müəyyən bir səhifəsinə keçmək və ya “Növbəti” düyməsini klikləməklə növbəti səhifəyə baxmaq üçün bu sətirdən istifadə edə biləcəklər. Mobil telefonda növbəti səhifəni yükləmək üçün axtarışın altında “Daha çox nəticə” düyməsi görünəcək. Google Search Engine Land-ə verdiyi açıqlamada dəyişikliyin səbəbini açıqlamayıb. Bununla belə, o, “Bu dəyişiklik istifadəçilərin açıq şəkildə tələb etmədiyi nəticələri avtomatik yükləməkdənsə, daha çox axtarış üçün axtarış nəticələrini daha tez təqdim etmək üçün edilib” deyə bildirib.