"Məhz öz coğrafi mövqeyimizə görə biz bütün rabitə vasitələrini inkişaf etdirmək və qlobal informasiya sistemi yaradılmasında irəliləyişi təmin etmək üçün misilsiz imkanlara malikik"

Heydər Əliyev

"İnsanların işləməsi, fəaliyyət göstərməsi, dövlət orqanlarının, ayrı-ayrı özəl qurumların, hər bir təşkilatın səmərəli işləməsi üçün rabitə indi çox mühüm bir vasitədir"

Heydər Əliyev

"Rabitəçilərin vəzifəsi bütün rabitə növlərinin, xüsusən telefon rabitəsinin iş keyfiyətini daha da yüksəltməkdən, əhalinin ehtiyac və tələbatına daha çox fikir verməkdən ibarətdir"

Heydər Əliyev

"Son illər Azərbaycanda rabitənin inkişafı sürətlə gedir və aparılan işlər, əldə olunan nəticələr təqdirəlayiqdir"

Heydər Əliyev

"İndiki zamanda rabitə hər bir insan üçün ən çox lazım olan bir vasitədir"

Heydər Əliyev

Barmaq izi skanından yan keçə bilən yeni Android virus aşkar edilib

ThreatFabric adlı şirkətin kibertəhlükəsizlik üzrə mütəxəssisləri Android cihazlar arasında Chameleon adı altında yayılan virusun daha təhlükəli versiyasını aşkar ediblər. Aşkar edilmiş yeni virus vasitəsilə hakerlər smartfon və planşetlərdəki biometrik təhlükəsizlik sistemindən yan keçə bilirlər. Məlumatda qeyd edilib ki, virus məşhur tətbiqlər kimi maskalanaraq yayılır. Əsasən o, Google Chrome brauzerinin quraşdırıcı faylı kimi maskalanır. Nəticədə diqqətli olmayan istənilən Android istifadəçisi sözügedən virusun qurbanına çevrilə bilər. Məlumata əsasən virus bu ilin əvvəlində aşkar edilmişdi və o əsasən bank və kriptovalyuta tətbiqlərinə yönəlmişdi.
Həmin vaxtdan virus hakerlər tərəfindən təkmilləşdirilib. Nəticədə virusun yeni versiyası cihazlardakı biometrik təhlükəsizlik sistemlərinin deaktiv edilməsi özəlliyini əldə edib. Sözügedən virusu özündə birləşdirən zərərli proqram təminatının cihaza quraşdırılmasından sonra istifadəçiyə HTML səhifəsi açılır və həmin səhifədə ona xüsusi imkanlar ayarının aktivləşdirilməsi təklif edilir. Bu isə öz növbəsində hakerlərə barmaq izi skanı texnologiyası da daxil olmaqla biometrik təhlükəsizlik sistemindən yan keçməyə imkan verir. Nəticədə istifadəçi cihaza daxil olmaq üçün PIN koddan istifadə edən zaman hakerlər həmin PIN kodu əldə edirlər. Bununla yanaşı hakerlər bu virus vasitəsilə digər şifrələri də əldə edə bilərlər.