
Naxçıvan Muxtar Respublikasının rəqəmsal inkişaf və nəqliyyat nazirinin müavini, nazir vəzifələrini müvəqqəti icra edən Azər Məmmədrəhimov 26 noyabr 2025-ci il tarixində Şahbuz rayonunda vətəndaş qəbulu keçirib.
Qəbuldan əvvəl Şahbuz Rayon İcra Hakimiyyətinin başçısı Rəfael Babayev və nazir müavini, nazir vəzifəsini icra edən Azər Məmmədrəhimov Ümummilli Lider Heydər Əliyevin büstünü ziyarət edib, önünə gül dəstələri düzüblər.
Qəbul zamanı sakinlərin telekommunikasiya, poçt və nəqliyyat sahələri, eləcə də iş təminatı ilə bağlı müraciətlər dinlənilib, qaldırılan məsələlərin həlli ilə bağlı müvafiq tapşırıqlar verilib.
Vətəndaşların müraciətlərinin operativ şəkildə araşdırılması və həlli istiqamətində aidiyyəti qurumlara göstərişlər verilib.